1. Мүнөздүү ачуу даамы бар, тамакка татылуучу, кристалл түрүндөгү зат. Бир тоонун баары бүтүн туз, Кайберендер кемирген (Токтогул). Тузду өлчөп татытсаң, ашыңда даам болот (Сыдыкбеков). 2. өт. Жанга тийген сөз, чымчып сүйлөгөн же какшык түрүндө айтылган сөздөрдүн куйкумдуу мааниси. Туз кошпой сүйлөө. Сөзүндө тузу бар. 3. Ар кандай заттардын химиялык бирикмеси. Кочкор тузу. Калий тузу. Топурак катмарынын тузу.

Ойноочу картанын ичиндеги эң чоңу. Карганын тузу. Ачанын тузу.

Тогуз коргоол оюнунда каршы тараптын чуңкурунун биринде эки корголдун (кумалактын) калган абалы.